Հայկ Մարտիրոսյանը՝ Կարեն Ասրյանի հուշամրցաշարի հաղթող

Ջերմուկում ավարտվել է Կարեն Ասրյանի 10-րդ հուշամրցաշարը: Հուշամրցաշարին մասնակցել է 13 երկրի 92 շախմատիստ, այդ թվում՝ 21 գրոսմայստեր: Վերջին տուրում Հայկ Մարտիրոսյանը, Տիգրան Քոթանջյանը և Բելառուսի ներկայացուցիչ Անդրեյ Ժիգալկոն 9 հնարավորից վաստակել են 7-ական միավոր՝ կիսելով 1-3-րդ տեղերը: Լրացուցիչ միավորներով, սակայն, հաղթող է դարձել Հայկը: Տիգրանը գրավել է 2-րդ տեղը, իսկ Ժիգալկոն՝ 3-րդ տեղը։ Հրանտ Մելքումյանը 6,5 միավորով զբաղեցրել է 4-րդ հորիզոնականը, Սամվել Տեր-Սահակյանը՝ 6-րդը, Արման Միքայելյանը՝ 9-րդը։ Նշենք, որ Հայկ Մարտիրոսյանը միջազգային գրոսմայստերի կոչում է ստանալու: Աղբյուրը՝ Panorama.am