ՀՀ ԿԳ նախարար Լևոն Մկրտչյանը «Գնացք 12»-ի շրջանակում այցելեց Dasaran

 

Այդ մասին է վկայում այն, որ «Գնացք 12» աշխատանքային սեմինարի հերթական հանդիպման ընթացքում պատիվ ունեցանք հյուրընկալելու Հայաստանի Հանրապետության կրթության և գիտության նախարար Լևոն Մկրտչյանին: Այցի շրջանակում նախարարն անձամբ ծանոթացավ աշխատանքային սեմինարի ընթացքին, որին մասնակցում էին Երևանի և մարզերի հանրակրթական դպրոցները ներկայացնող շուրջ 40 մանկավարժներ:

 

Շնորհակալություն հայտնելով Dasaran կրթական ծրագրին հերթական գեղեցիկ և արդյունավետ գաղափարի համար՝ նախարար Լևոն Մկրտչյանն ընդգծեց նման դասընթացների կարևորությունը, որոնք լծակ են հանդիսանում արդեն իսկ ունեցած գիտելիքներն իբրև հմտություն կիրառելու համար:

 

«Հպարտ եմ, որ մարդիկ, ովքեր հնարավորություն ունեն կայանալու բազմաթիվ այլ  ասպարեզներում, սրտացավորեն ներդնում են իրենց ներուժը կրթության ոլորտում»,- մատնանշելով Dasaran-ի թիմին՝ նշեց նախարարը:

 

Աշխատանքային սեմինարի մասնակից ուսուցիչները նույնպես շնորհակալություն հայտնեցին ինքնատիպ մթնոլորտի համար՝ ընդգծելով, որ Dasaran-ն ուղղորդեց ևս մեկ անգամ կերպավորվելու որպես ուսուցիչ: 

Dasaran կրթական ծրագրի հիմնադիր նախագահ Սուրեն Ալոյանը, շնորհակալություն հայտնելով նախարար Լևոն Մկրտչյանին և մասնակից ուսուցիչներին ջերմ խոսքերի համար, նշեց, որ կրթական ծրագիրը, հավատարիմ իր գաղափարախոսությանը, շարունակելու է լինել դպրոցի և մանկավարժի կողքին:

 

 

Հանդիպման ավարտին աշխատանքային սեմինարի մասնակից ուսուցիչները ՀՀ կրթության և գիտության նախարարի կողմից պարգևատրվեցին «Նոր սերնդի ուսուցիչ» կրծքանշանով: