Ամառային դպրոց

Ավարտվեց ուսումնական տարին, իսկ Ջրվեժի միջնակարգ դպրոցի սաների ու մանկավարժների համար այն կարծես նոր սկսված լինի: Բուռն աշխատանքային, անսահման հետաքրքիր, և ինչու՞ չէ հեքիաթային աշխարհում ենք: Արդեն երկու օր է մեզ մոտ գործում է <<Ամառային ճամբարը>>: Ամեն առավոտ երեխաների օրն սկսվում է մարմնամարզությամբ, որն ուղեկցվում է ռիթմիկ երաժշտությամբ: Մարմինը մարզելուց հետո երեխաները շտապում են մարզել իրենց միտքն ու հոգին. ազգային երգ ու պար, կերպարվեստ, ձեռքի աշխատանք, շախմատ, զանազան ինտելեկտուալ խաղեր, մաթեմատիկա, հայոց լեզու և օտար լեզուներ... Ահա այսպիսի ստեղծագործական մթնոլորտ է տիրում Ջրվեժի միջնակարգ դպրոցում: Մանկավարժները ջանք ու եռանդ չեն խնայում հետաքրքիր դարձնելու երեխաների առօրյան, իսկ անակնկալ էքսկուրսիաները դեռ առջևում են...