«Ազգ, լեզու, հայրենիք»

Մայիսի 15- ին Գավառի Ս․ Քոչարյանցի անվան N 1 հիմնական դպրոցում տեղի ունեցավ միջոցառում ՝ «Ազգ, լեզու, հայրենիք» խորագրով։ 1-ին դասարանցիները ցուցադրեցին թատերական մի փոքրիկ դրվագ։ Նրանք պատմական էքսկուրս կատարեցին V դար՝ Ոսկեդար։ Հետաքրքիր էր ներկայացման սյուժեն․ 1-ին դասարանցի մի աղջիկ իր երազի միջոցով հասավ V դար և ընկերներին ներկայացրեց մաշտոցյան հրաշագործությունը, տառերի ծնունդը, դրան հաջորդող ժամանակաշրջանը և իրադարձությունները։ Փոքրիկ դերասանները հանդես եկան Մեսրոպ Մաշտոցի և նրա աշակերտների տեսքով, ներկայացրեցին նրանց կատարած աշխատանքները և դրանց նշանակությունը։ Գովերգեցին Մաշտոցի արարչագործությունը, ոգեշունչ տողերով կատարվեց երդման արարողությունը։ Միջոցառումը հագեցած էր երգերով, որոնք թե́ հայրենասիրական էին, թե́ այբուբենը փառաբանող ու հավերժացնող։ Աշակերտները յուրաքանչյուր խոսք արտասանում էին ոգևորված, գեղեցիկ և ազդեցիկ։ 1-ին դասարանցիները ցուցադրեցին իրենց արտահայտչական կարողությունները, բազմակողմանի գիտելիքները և ողջ տարվա ընթացքում իրենց կողմից արժեվորաց մարդկային լավագույն հատկանիշները։ դասվար ՝ Նազիկ Հովեյան