«Այս հաղթանակս նվիրում եմ ընտանիքիս, Մանչեսթրին և բոլոր հայերին»

«Մանչեսթր Յունայթեդ»-ի կիսապաշտպան Հենրիխ Մխիթարյանն ՈւԵՖԱ-ի պաշտոնական կայքին տված հարցազրույցում կիսվել է զգացողություններով ԵԼ-ի եզրափակչում հաղթելուց հետո. «Շատ ուրախ եմ, ոգևորված ոչ միայն հաղթանակի, այլև՝ իմ գոլի համար: Դա ինձ և իմ երկրի համար շատ բան է նշանակում: Շատ ուրախ եմ: Միայն լավ զգացողություններ ունեմ: Անկեղծ ասած՝ ես պարզապես հարվածեցի, գնդակը չէի տեսնում, լսեցի երկրպագուների ձայներն  ու հասկացա, որ այդպիսի գոլ եմ խփել: Մեզ համար այն շատ կարևոր էր: Այո, սա իմ երկրորդ այսպիսի գոլն էր ընթացիկ մրցաշրջանում, բայց՝ ավելի կարևոր էր»:

Եվրոպայի լիգայի գավաթը նվաճելուց հետո հետևյալ գրառումն է արել. «Առաջ Յունայթեդ։ Շատ-շատ-շատ-շատ երջանիկ եմ, որ հաղթեցինք այսօր։ Այս հաղթանակս նվիրում եմ ընտանիքիս, Մանչեսթրին և բոլոր հայերին»: Հայ ֆուտբոլիստը շնորհակալություն է հայտնել բոլորին, ովքեր աջակցեցին իրենց ինչպես մարզադաշտից, այնպես էլ՝ հեռուստաէկրանների առջևից:

Աղբյուրը՝ Tert.am