«Հաղթանակների մայիս»

22.05.2017 թ. Երևանի Աշոտ Մանուկյանի անվան թիվ 93 միջնակարգ դպրոցում այսօր տեղի ունեցավ միջոցառում` նվիրված մայիսյան հաղթանակներին: Մեր նախահայր Հայկը կտակեց իր ազատատենչ ոգին իր ժողովրդին՝ մկրտելով այս երկիրն ու ժողովուրդը իր անվամբ՝ Հայկ, Հայ, Հայաստան… Ու հարատևեց հայկյան ազատատենչ ոգին, հարատևեց ու դարձավ Վարդան Մամիկոնյան ու Ավարայր, դարձավ Սարդարապատի ճակատամարտ ու արցախյան հերոսամարտ, դարձավ հաղթական մայիսի 9, երբ 1945 թ. Բեռլինում թնդաց հայկական քոչարին և երբ 1992 թ. մայիսի 9-ին ազատագրվեց Շուշին: Մայիսյան հաղթանակները՝ 451 թ. մայիսի 26, 1918 թ. մայիսի 28, 1945 թ. մայիսի 9, 1992 թ. մայիսի 9, այս համառ ու տոկուն ժողովուրդը նվաճել է մահով հաղթելուվ մահին, «Մահ իմացյալ՝ անմահություն է» գիտակցությամբ, և ուրեմն մահ չկա այս ժողովրդին: Դպրոցի սաները շնորհավորեցին նաև Արցախի հերոս գեներալ-մայոր Արկադի Տեր-Թադևոսյանի ծննդյան 78-րդ տարեդարձը: