Սևանի Խ. Աբովյանի անվան ավագ դպրոց

Հաղթեց գիտելիքը Հազվադեպ է լինում, որ աշակերտը զարմացնում է թե´ ուսուցիչներին, թե´ ծնողներին. թե´ ընկերներին: Զարմանքի ու հիացմունքի այդպիսի պահեր ապրեցին Սևանի ավագ դպրոցի ուսուցիչները, աշակերտներն ու ծնողները, կենսաբանության ուսւոցիչներ Գ. Շուշանյանի և Մ. Սիմոնյանի կազմակերպած «Ամենախելացին» միջոցառման ժամանակ: Բնագիտական առարկաների շրջանակում կազմակերպված միջոցառմանը մասնակցում էին 9-րդ ա և 9-րդ բ դասարանների աշակերտները: Նրանց արագ, կողմնորոշվելու ունակությունը, առարկաների խոր և հիմնավոր իմացությունը լավագույն վկայությունն էին թե´ ուսուցիչների հետևողական աշխատանքի, թե´աշակերտների բարձր պատասխանատվություն: Շատ ուսանելի էր, որ բացառիկ այս միջոցառման ընթացքում կարևորվում էր աշակերտի համակողմանի զարգացման գործոնը. աշակերտը պատասխանում էր, աշակերտը հանդես էր գալիս որպես համակարգչային ձևավորող, դիզայներ, երաժիշտ, երգիչ, պարուհի և ընդհուպ նաև՝ ժյուրի: Մրցույթի հաղթող ճանաչվեց 9-րդ բ դասարանի աշակերտուհի Արփի Մելիքյանը, որն արժանացավ հուշամեդալի, իսկ մնացած մասնակիցները պարգևատրվեցին պատվոգրերով և գրքերով: Ցանկալի է, որ այս օրինակ միջոցառումները ավելի հաճախ կազմակերպվեն՝ որպես ուսուցչի աշխատանքի տարեկան հաշվետվություն: