Հաղթարշավ

Ապրիլի 27-ին ՀՀ Գեղարքունիքի մարզի Սևանի Մեսրոպ Մաշտոցի անվան N1 հիմնական դպրոցի աշակերտները մասնակցեցին ՀՀ մարզերի, Երևան քաղաքի և ԼՂՀ-ի հանրակրթական դպրոցների 4-7-րդ դասարանների միջև կազմակերպված <<Սպորտլանդիա 2017>> մարզական միջոցառմանը: Մրցույթը բաղկացած էր բազմազան վարժություններից և խաղերից: Խաղային բոլոր ձևերում դպրոցի աշակերտները /մարզիչներ` Հ. Խաչատրյան, Ս. Պետրոսյան/ ունեցան փայլուն արդյունքներ` հաղթելով բոլոր մրցակից թիմերին, որոնք ներկայացնում էին մարզի հինգ համայնքներ: Դպրոցի հավաքական թիմը մարզում գրավեց առաջին տեղը` արժանանալով հաղթող թիմի համար նախատեսված գավաթին, պատվոգրերի, իսկ դպրոցի տնօրենության կողմից պարգևատրվեց մեդալներով: Թիմն իրավունք ստացավ մասնակցելու նույն մրցույթի հանրապետական փուլին, որը տեղի կունենա մայիսի 15-17-ը` Երևան քաղաքում: Մաղթում ենք մեր սաներին լավագույնս մասնակցություն` ակնկալելով բարձր արդյունքներ: