Ինչո՞ւ է չվող թռչունների երամը սեպաձև

Չվող թռչունների երամի սեպաձև դասավորվածությունը թույլ է տալիս «որսալ» դիմացից թռչողի թևաբախումից առաջացած օդային պտույտագոյացությունները՝ խնայելով սեփական էներգիան: Սեպաձև դասավորվածությունը նաև չի սահմանափակում տեսադաշտը և ամեն մի անդամ կարողանում է հետևել առաջնորդին:

Դասավորվածությունը կարող է բաղկացած լինել նաև մի քանի սեպերից՝ միացված հետևի եզրերով, ինչպես նաև՝ կիսատ սեպից, որի մեջ առաջատարը թևերից մեկի եզրից թռչողն է դառնում: Յուրաքանչյուրը թռչում է իր դիմացինից հետ և կողքի՝ մշտական հեռավորության վրա:

Սեպաձև դասավորվածություն ունենում են միայն խոշոր չվող թռչունները՝ կռունկները, սագերը, հավալուսնները և այն էլ՝ հեռահար տարածություններով:

Աղբյուրը՝ Mamul.am