Տեղի ունեցավ «DUEL Plus» ինտելեկտուալ օլիմպիադայի եզրափակիչը (2-3-րդ դաս.)

Ուշագրավ 2013-06-24

Այսօր տեղի ունեցավ «Duel Plus» ինտելեկտուալ օլիմպիադայի վիկտորինան (2-3 դաս.), որին մասնակցում էին նախընտրական փուլը հաղթահարած 10 աշակերտներ, և հաղթող դարձավ Վաղարշապատի թիվ 4-րդ դպրոցի 3-ա դասարանի աշակերտ Իլյա Լալազարյանը:

«Dasaran.am» կրթական ծրագիրը, որի առաքելությունն է զարգացնել Հայաստանի կրթական ոլորտն ու նպաստել գիտելիքահեն պետության կայացմանը, 2012/2013 ուսումնական տարեսկզբին գործարկել է աշակերտների առաջադիմության խրախուսման նոր համակարգ, որի նպատակն է խթանել աշակերտների սերն ուսման հանդեպ և տարեվերջին հնարավորություն ընձեռել նրանց մասնակցելու «DUEL Plus» նոր ինտելեկտուալ օլիմպիադային` մարտահրավեր նետելով իրենց հասակակիցներին և մրցելով տարվա ընթացքում ձեռք բերած գիտելիքներով:

Այդպիսով «Dasaran.am» կրթական ծրագիրը հավասար հնարավորություններ է ընձեռում Երևանում և ՀՀ մարզերի այլ քաղաքներում ու գյուղերում սովորող աշակերտներին` կարևորելով ազատ և արդար մրցակցությունը:

«DUEL Plus» ինտելեկտուալ օլիմպիադան անցկացվում է երկու փուլով և նախատեսված է 4 տարիքային խմբերի համար (2-3-րդ, 4-6-րդ, 7-9-րդ և 10-12-րդ դասարաններ): Մրցույթի ընթացքում մասնակիցները պատասխանում են ընդհանուր զարգացվածության և դպրոցական դասագրքերի հիման վրա ստեղծված հարցաշարերին, իսկ լավագույնները մրցույթի ավարտին կպարգևատրվեն բազմաթիվ մրցանակներով և խրախուսական նվերներով:

Եվս մեկ անգամ շնորհավորում ենք բոլոր մասնակիցներին և հաղթողին՝ Իլյա Լալազարյանին:

Տեղի ունեցավ «DUEL Plus» ինտելեկտուալ օլիմպիադայի եզրափակիչը (2-3-րդ դաս.)

Բաց մի թողեք նաև...