Ես միշտ ձեզ հետ եմ, ձեր մեջ եմ...

Տոնական շաբաթը շարունակվում է մեր դպրոցում: Ամենայն հայոց բանաստեղծի ծննդյան օրվան նվիրված գեղեցիկ ցերեկույթ էր կազմակերպել գրադարանավար Մ. Պողոսյանը: Աշակերտները ներկայացրեցին Թումանյան բանաստեղծի, հոր, հասարակական գործչի կերպարն ու գործունեությունը, խրատն ու պատգամը, և բոլոր մասնակիցներով արտասանեցին երկաթագիր աղոթք դարձած խորհուրդը. Գործն է անմահ, լավ իմացեք, Որ ապրում է դարեդար... Երնեկ նրան, ով իր գործով Կապրի անվերջ, անդադար... Շնորհակալություն Մ. Պողոսյանին՝ Թումանյանից մի պատառիկ աշխարհ մեզ փոխանցելու համար: