Կայացավ «Դիլիջանի ԵԵՊ դպրոցական համաժողով»-ը

 

Մասնակիցներն ավագ դասարաններում սովորող աշակերտներ էին, որոնք ընտրվել էին Dasaran կրթական ծրագրի և UWC Դիլիջան քոլեջի աջակցությամբ: Ընտրված աշակերտների թվում էին նաև Դիլիջանի թիվ 1 ավագ և թիվ 5 միջնակարգ դպրոցների սաները:

 

Համաժողովը նպատակ ուներ բարձրացնել եվրոպական և հայ երիտասարդությանը հուզող հիմնախնդիրների շուրջ իրազեկվածությունը, խրախուսել ակտիվ քաղաքացիական մասնակցությունը, խթանել միջմշակութային երկխոսությունը և գաղափարների բազմազանությունը:

 

Տեղի ունեցած քննարկումների վերջնական արդյունքը հանձնարարված խնդիրների վերաբերյալ լուծումների՝  որպես երիտասարդության խորհրդատվության փաթեթի կազմումն էր:

 

Ծրագիրը բացառիկ հնարավորություն ընձեռեց երիտասարդներին՝  ներկայացնելու առաջադրված խնդիրների վերաբերյալ իրենց նորարարական գաղափարները, իսկ համաժողովին լավագույն արդյունքները ցուցաբերած մասնակիցները հրավիրվեցին մասնակցելու փետրվարին Երևանում կայանալիք միջազգային ֆորումին: