Դպրոցների ջերմաստիճանային պայմաններն օրակարգում

Նախարարը ճշգրտել է բնականոն ուսումնական գործընթաց կազմակերպելու նպատակով դպրոցներում բավարար ջերմաստիճան ապահովելու պայմանները:

 

Միաժամանակ շրջաբերական է ուղարկվել բոլոր մարզպետներին և Երևանի քաղաքապետին առաջարկով, որ այն ուսհաստատություններում, հատկապես՝ գյուղական համայնքների, որտեղ դասասենյակներում ապահովված չէ համապատասխան ջերմաստիճան, դասերն սկսել առավոտյան ժամը 10.00-ից 30 րոպե տևողությամբ դասաժամերով:

 

Խնդիրը գտնվում է ՀՀ կրթության և գիտության նախարարության մշտական ուշադրության կենտրոնում: Մարզերից և Երևան քաղաքից ամենօրյա պարբերականությամբ նախարարություն է ներկայացվում համապատասխան տեղեկատվություն: Անհրաժեշտության դեպքում կձեռնարկվեն լրացուցիչ քայլեր:

 

Աղբյուրը՝ Edu.am