«Վայրի տանձենու տակ»

Նոյեմբերի 25-ին Գավառի Ս. Քոչարյանցի անվան N1 հիմնական դպրոցի 2-րդ «բ» դասարանում ( ուսուցիչ՝Գ. Բատիկյան ) անցկացվեց բաց դաս մայրենիից։ Դասի թեման էր Վախթանգ Անանյանի «Վայրի տանձենու տակ» պատմվածքը։ Աշակերտները ներկայացրին հեղինակի՝ Վ. Անանյանի կյանքը և նրա գրական գործնեությունը։ Հեղինակի գրական գործնեությունը ներկայացնելիս նրանք ակնառու դարձրին հեղինակին՝ որպես հայրենի բնության, կենդանական աշխարհի հիանալի գիտակի։ Աշակերտների կողմից նյութի ընթերցումն իրականացվեց ընտրովի ընթերցանության մեթոդով, որպեսզի աշակերտների ուշադրությունը բևեռվի նյութի գաղափարն արտահայտող, բնության հրաշալի պատկերները նկարագրող մասերի վրա։ Այն աշակերտներին նախապատրաստեց նյութի բովանդակության վերարտադրմանը։ Աշակերտներին առաջադրվեց նյութի պլանը՝ խառնված հերթականությամբ։ Նրանք հեշտությամբ դասավորեցին այն ըստ տրամաբանական հաջորդականության։ Նյութի բովանդակությունը վերլուծելիս , ուսուցիչը կիրառելով T –ձև աղյուսակը, վերլուծության և համադրության միջոցով բացահայտեց Կապանի և Գավառի բուսականության, կենդանական աշխարհի, կլիմայի նմանություններն և տարբերությունները։ Դասն անցավ ակտիվ համագործակցային մթնոլորտում։ Աշակերտների համագործակցման արդյունքում (մեթոդ՝ Խճանկար ) ստացվեց գեղեցիկ և բովանդակալից պաստառ։ Դասին կիրառվեց ՏՀՏ, որի միջոցով աշակերտները ծանոթացան Կապանի բնությանը, կենդանական աշխարհին, դիտեցին քարտեզը, համեմատեցին Կապանի տեղանքը, ծանոթացան Սյունիքի մարզին։ Դասի ընթացքում ապահովվեց թե́ ներառարկայական, թե́ միջառարկայական կապը։ Աշակերտները հիացրին ներկաներին հայրենի բնության և կենդանական աշխարհի մասին իրենց ունեցած գիտելիքներով։