Կրթական նոր նախագիծն օրակարգում

Ըստ նախարարի՝ կլաստերի այս գաղափարն իր  տեսակի մեջ դեռևս եզակի է ոչ միայն Հայաստանում, այլ ամբողջ աշխարհում. այն իր մեջ ներառելու է կրթության բոլոր աստիճանները, մշակութային ոլորտը, իսկ հետագայում արդեն նաև գիտության բաղադրիչը:

 

«Այն լուրջ հնարավորություններ ունեցող նախաձեռնություն է, որը կարող է Դիլիջանում արմատապես իրավիճակ փոխել: Այս գաղափարը շատ մեծ է, հեռանկարային, ծավալուն և տարիների աշխատանք պահանջող: Այն մեր պետության համար առաջնահերթություն համարվող ծրագրերից մեկը կարող է լինել:

 

Այժմ մեր խնդիրն է  աշխատանքների կազմակերպման առաջին փուլում գործընթացը ճիշտ  հունի վրա դնել, մշակել կոնկրետ մեթոդաբանություն, ապահովել իրավական  դաշտը, այնուհետև անցնել ծրագրի պիլոտային մասի կազմակերպմանը...»,-նշել է Լևոն Մկրտչյանը:

 

Աղբյուրը՝ Edu.am