Երևանում մեկնարկեց «Կոկա-Կոլա/ՀՖՖ Ֆուտբոլի դպրոցական գավաթ 2013» մրցաշարի եզրափակիչ փուլը

Սպորտ 2013-05-22

Մայիսի 21-ին ՀՖՖ Տեխնիկական-կենտրոն ակադեմիայի խաղադաշտում (Ավան) մեկնարկեց «Կոկա-Կոլա/ՀՖՖ Ֆուտբոլի դպրոցական գավաթ 2013» ավանդական մրցաշարի եզրափակիչ փուլը, որում պարտվողը լքում է առաջնությունը: Հայաստանի ավելի քան 700 դպրոցական թիմերից լավագույն 32-ը իրավունք ստացան մրցել ուժեղագույնի տիտղոսը նվաճելու համար մայրաքաղաքի լավագույն բազայում, որտեղ իր պարապմունքներն է անցկացնում երկրի գլխավոր թիմը` ազգային հավաքականը: Անցնելով առաջ` նշենք, որ կիսաեզրափակիչ անցած 4 թմերի դպրոցականները հնարավորություն կստանան հանդիպել Հայաստանի հավաքականի ֆուտբոլիստների հետ:

Ս.թ. մայիսի 21-ին կայացան 1/16 առաջին 8 խաղերը, որոնց արդյունքում մրցաշարում հաղթելու լուրջ հայտ ներկայացրին Հրազդանի թիվ 11 դպրոցի թիմը` 11 անպատասխան գնդակ ուղարկելով Երևանի 181 դպրոցի սաների դարպասը:

Չափազանց կարգապահ խաղով աչքի ընկան նաև Կապանի 3-րդ դպրոցի ֆուտբոլիստները. 7 ժամյա ուղևորությունը Երևան չխանգարեց 7-1 հաշվով հաղթել տեղի 196 դպրոցի թիմին:

Մրցաշարի ֆավորիտ կարելի է համարել Բերդավան գյուղի թիմին, որի կազմում փայլուն խաղով գերել է հանդիսատեսի համակրանքը` Լուիզա Ղազարյանը: Վանաձորի թիվ 11 դպրոցի խաղի առաջին րոպեներին Լուիզան շրջադարձ հարվածով գրավեց դարպասը` խփելով փուլի ամենագեղեցիկ գոլը: Մնացած ժամանակում նա դարձավ ևս մեկ գոլի հեղինակ, ինչպես նաև ակտիվ մասնակցում էր թիմի թե´ գրոհներին, թե´ պաշտպանությանը: Բերդավանցիներն այդ խաղում հաղթեցին վանաձորցիներին 8:0 հաշվով:

Շատ համառ պայքարում անցավ Աշտարակի թիվ 1 և Երևանի 171 դպրոցների պայքարը: Մայրաքաղաքցիները պարտվում էին 2:1 հաշվով և վերջին րոպեներին ողջ թմով առաջ գնացին, ինչը տվեց իր արդյունքները: Գրոհին միացած 171-ի դարպասապահ Արսեն Ասատրյանը կրնկով գրավեց իր կոլլեգայի պաշտպանած դարպասը: Խաղի ելքը պետք է որոշեին 11-մետրանոց հարվածները, որոնցում ավելի հաջողակ գտնվեցին երևանյան դպրոցականները:

Արդյունքները`

Կապանի 3-րդ դ. – Երևանի 196-րդ դ. 7:1

Չարենցավանի 3-րդ դ. – Լուսակունքի դ. 8:3

Աշտարակի 1 դ. – Երևանի 171-րդ դ. 2:2 (4:5)

Իջևանի 5-րդ դ. – Ալավերդու 8-րդ 1:3

Գորիսի 6-րդ դ. – Մարտունու 3-րդ դ. 1:4

Սուրենավանի դ. – Երևանի 188-րդ դ. 3:1

Հրազդանի 11-րդ դ. – Երևանի 181-րդ դ. 11:0

Բերդավանի դպրոց – Վանաձորի 11-րդ դ. 8:0

Այսօր` ժամը 14:00-ից մեկնարկել են 1/16-ի մնացած 8-ը խաղերը: Ուժերը չափելու են հետևյալ դպրոցների թիմերը.

Գյումրու 6-րդ դ. – Երևանի 37-րդ դ.

Նորագյուղի դ. – Երևանի 33-րդ դ.

Վեդու թիվ 1 դ. – Արաքսի դ.

Երևանի 35 դ. – Եղեգնաձորի թիվ 1 դ.

Նոր կյանքի դ. – Երևանի 143-րդ դ.

Ստեփանակերտի 7-րդ դ. – Երևանի 52-րդ դ.

Էջմիածնի 4-րդ դ. – Աշտարակի 6-րդ դ.

Երևանի 84-րդ դ. – Արփիի դ.

Երևանում մեկնարկեց «Կոկա-Կոլա/ՀՖՖ Ֆուտբոլի դպրոցական գավաթ 2013» մրցաշարի եզրափակիչ փուլը

Բաց մի թողեք նաև...