Դեսպան Նովակովսկին այցելեց Dasaran կրթական կենտրոն

Հանդիպման սկզբում պարոն Նովակովսկու համար Dasaran-ում կազմակերպվեց շրջայց, որի ընթացքում Լեհաստանի դեսպանը ծանոթացավ թիմի անդամների հետ: Այնուհետև մեր հյուրը տեղեկացավ կրթական ծրագրի գործունեության, ձեռքբերումների, ներկա և առաջիկա նախագծերի ու զարգացման տեսլականի մասին:

 

Տպավորված Dasaran-ով՝ պարոն Նովակովսկին մեծապես արժևորեց ինչպես կրթական ծրագրի թիմի մշակած էլեկտրոնային գործիքները, հատկապես՝ դպրոցների կառավարման համակարգը, այնպես էլ աշակերտների մտավոր զարգացմանը նպաստող կրթական-ինտելեկտուալ խաղերը:

 

Հանդիպման ավարտին քննարկվեց Dasaran-ի և Լեհաստանի դեսպանատան միջև հնարավոր համագործակցությունը, որի շրջանակում մասնավորապես կմշակվի կրթական-ճանաչողական խաղ՝ ուղղված աշակերտների շրջանում մեր բարեկամ երկրի՝ Լեհաստանի պատմության, լեհական մշակույթի, ավանդույթների ու արժեքների վերաբերյալ գիտելիքների հարստացմանը: