Մեկնարկում է «Ֆրեսկո» փառատոնը

Ուշագրավ 2016-08-19

Ս. թ. օգոստոսի 19-ից 29-ն անց է կացվելու «Ֆրեսկո» արդի արվեստի և հոգևոր ֆիլմերի 3-րդ միջազգային փառատոնը, որի նպատակը հոգևոր ասելիք ունեցող համաշխարհային միջոցառումների ու մշակութային նմուշների ցուցադրությունն է և դրանցում արծարծված հարցերի շուրջ առողջ ու ազատ հանրային քննարկումների կազմակերպումը:

Փառատոնի շրջանակում կանցկացվեն բացօթյա կինոդիտումներ, համերգներ ու ցուցահանդեսներ, արտերկրից Հայաստան կժամանեն մեկ տասնյակից ավելի հյուրեր, «առանց տոմսի» ձևաչափով միջոցառումները կդառնան հայաստանյան ամառվա վերջին տասնօրյակի անբաժան մասը:

Այս տարի «Ֆրեսկոյի» ծրագրում ներառված է 22 երկրից ներկայացված 76 կինոժապավեն, որոնցից 4-ը հայկական է: Ֆիլմերի մրցութային ծրագրի ժյուրին հանդիսատեսն է: Յուրաքանչյուր ֆիլմի առաջին ցուցադրության ժամանակ կինոդիտման մասնակիցները նախապես պատրաստված թղթերի միջոցով կքվեարկեն իրենց նախընտրած ֆիլմի օգտին:

«Ֆրեսկո» արդի արվեստի և հոգևոր ֆիլմերի 3-րդ միջազգային փառատոնը կմեկնարկի մարզային ծրագրով: Օգոստոսի 19-ից 21-ը Հաղարծնի վանքային համալիրում կանցկացվի միջազգային բացօթյա կինոճամբար: Փառատոնի երկրորդ հատվածը կանցկացվի Երևանում:

Աղբյուրը՝ Mincult.am

Մեկնարկում է «Ֆրեսկո» փառատոնը

Բաց մի թողեք նաև...