«Մանչեսթեր Յունայթեդը» պաշտոնապես ներկայացրել է Մխիթարյանին

«Երազանքս իրականացավ: Ես շատ հպարտ եմ և ուրախ միանալ «Մանչեսթեր Յունայթեդին»՝ մի ակումբի, որն ինձ միշտ հիացրել է իր փառահեղ պատմությամբ և հրաշալի երկրպագուներով: Անհամբեր սպասում եմ աշխատանքին մարզիչի և իմ նոր թիմակիցների հետ»,- նշել է Հենրիխ Մխիթարյանը:

Մխիթարյանն անգլիական ակումբ է տեղափոխվել Դորտմունդի «Բորուսիայից», որի հետ նրա գործող պայմանագիրն ավարտվում էր 2017թ.-ի ամռանը: Տրանսֆերի պաշտոնական արժեքը չի հրապարակվել:

«Բորուսիայի» կազմում նա մասնակցել է 140 հանդիպման և դարձել 41 գոլի ու 49 գոլային փոխանցման հեղինակ: Ավարտված մրցաշրջանում Մխիթարյանը «Բորուսիայի» կազմում 52 խաղ է անցկացրել (բոլոր մրցաշարերում) և դարձել 23 գոլի ու 29 գոլային փոխանցման հեղինակ: Նա խաղադաշտում անցկացրել է 4383 րոպե:

Աղբյուրը՝ Sport.news.am
Նկարները՝ Manutd.com