Բացվել է «Արարատը հայի աչքերով» խորագիրը կրող ցուցահանդես

Ցուցահանդեսին մասնակցում են ազգությամբ հայ լուսանկարիչներ Հայաստանից, Ռուսաստանից, Ֆրանսիայից, Բրազիլիայից և ԱՄՆ-ից: Ցուցադրված 32 լայնաֆորմատ աշխատանքները ներկայացնում են հայ ազգի խորհրդանիշ Արարատ լեռն արվեստագետների ամենատարբեր ընկալումներով:

Ցուցահանդեսի բացմանը ներկա են եղել ՀՀ մշակույթի նախարար Հասմիկ Պողոսյանը, ՀՀ սփյուռքի նախարարության ներկայացուցիչներ, հյուրեր Կիպրոսից, Անգլիայից, Շվեյցարիայից, արվեստասերներ:  

ՀՀ մշակույթի նախարար Հասմիկ Պողոսյանը, ողջունելով ցուցահանդեսի գաղափարը և բարձր գնահատելով աշխատանքները, նշել է, որ ամեն առավոտ աչքերը բացելը և Արարատը տեսնելը յուրաքանչյուր հայի իղձն է:
 
«Արարատը հայի աչքերով» ցուցահանդեսը Թեքեյան Կենտրոնում բաց կլինի մինչև ս.թ. հունիսի 30-ը, այնուհետև կներկայացվի Արցախում:

Աղբյուրը՝ Tekeyancentre.am