ԱՄՆ դեսպան Ռիչարդ Միլսն ընդունեց Dasaran-ի թիմին

Դեսպանին ներկայացվեց Հայաստանում ավագ դպրոցների աշակերտների համար բնագիտական և ճարտարագիտական մրցույթ իրականացնելու ծրագիրը, ինչպես նաև աշխարհում մեծ հեղինակություն վայելող Ինտել միջազգային բնագիտական և ճարտարագիտական մրցույթին Հայաստանի մասնակցությանն ուղղված Dasaran-ի նախաձեռնությունը:

 

Դեսպանը ողջունեց նախաձեռնությունը՝ համարելով այն ազդեցիկ միջոց՝ խթանելու Հայաստանում մաթեմատիկական-բնագիտական, տեխնոլոգիական, ճարտարագիտական առարկաների նկատմամբ հետաքրքրության աճը:

 

Դեսպան Միլսի հետ քննարկվեցին նաև Dasaran-ԱՄՆ դեսպանություն համագործակցության ընթացիկ ծրագրերը, որոնք միտված են աշակերտների շրջանում քաղաքացիական կրթության արմատավորմանն ու տարածմանը: