Միջոցառում՝ նվիրված Էդուարդ Միրզոյանի ծննդյան օրվան

Արճիսի միջն. դպրոցում կազմակերպած միջոցառումը նվիրված էր հայ երգահան Էդուարդ Միրզոյանի ծննդյան օրվան: Միջոցառման կազմակերպիչը երաժշտության ուսուցչուհի Մ. Բաղինյանն էր: Աշակերտները մեծ սիրով ներկայացրին մեծ երգահանի կյանքի պատմությունը և տվեցին ստեղծագործությունների ընդհանուր բնութագիրը: Միջոցառման երկրորդ փուլը անցկացվեց մրցույթի ձևով: Մրցույթին մասնակցում էին 2-9-րդ դասարանների շնորհալի աշակերտները: Կատարումները շատ գեղեցիկ էին և հուզիչ, ուստի ծավալվեց լարված մրցակցություն: Երկար քննարկումներից հետո ժյուրին հայտնեց հաղթողների անունները. 1-ին տեղ զբաղեցրեց 7-րդ դաս. աշակերտուհի Սոնա Անտոնյանը, 2-րդ տեղ՝ 4-րդ դաս. աշակերտուհի Նառա Մնացականյանը, 3-րդ տեղ՝ 5-րդ դաս. աշակերտուհի Նանե Մնացականյանը: Հաղթողները պարգևատրվեցին: Տնօրենը շնորհակալություն հայտնեց գեղեցիկ միջոցառման համար և մաղթեց, որ այն լինի շարունակական: