Մխիթարյան. Այժմ մեծ ուշադրություն ենք դարձնում ֆիզիկական պատրաստվածությանը

- Միանգամից ասեմ, որ մենք գտնվում ենք բարդ շրջանում, քանի որ մեծ ուշադրություն ենք դարձնում ֆիզիկական պատրաստվածությանը, սակայն, միևնույն ժամանակ, չենք մոռանում գնդակի հետ աշխատանքի մասին: Երկրորդ խաղակեսում թիմն ավելի լավ տեսք ուներ՝ ավելի դինամիկ էր, բոլորն ավելի լավ էին շարժվում ու գործում: Դարպասը գրավելու շատ հնարավորություններ ունեցանք, սակայն կարծում եմ, որ այժմ ամենակարևորը պատրաստվածությունն է:

 

- Սպասո՞ւմ էիք, որ հանդիպման առաջին քսան րոպեներին արդեն երեք գոլ արձանագրված կլինի:

 

- Դա ֆուտբոլ է, հավանաբար, ինչ-որ մեկը չէր սպասում, սակայն կարևորն այն է, որ երկրորդ գոլն ընդունելուց հետո, մենք սկսեցինք ավելի լավ խաղալ: Գրեթե ամեն ինչ ստացվում էր, ինչի արդյունքում էլ հաշիվը հավասարեցրինք: Իսկ արդեն երկրորդ խաղակեսում սկսեցինք ասես զրոյից:

 

- Այդ խաղում դու դարձար հաղթական գոլի հեղինակ: Այս մրցաշարում անձնական նպատակներ ունե՞ս:

 

- Ոչ, այստեղ լավագույն ռմբարկու դառնալու նպատակ չունեմ: Կա խնդիր, որ «Բորուսիայի» հետ հանդիպման համար ֆիզիկապես, տեխնիկապես ու հոգեբանորեն լավ պատրաստվենք:

 

Աղբյուրը` Armsport.am