Dasaran-ի թիմը հանդիպել է Բոստոնի հայ համայնքի հետ

Հանդիպումը կայացել է Ուոթերթաունի Սուրբ Հակոբ եկեղեցում, որտեղ ս.թ. մարտի 30-ին հայ համայնքի հետ հանդիպել և ելույթով էր հանդես եկել Հայաստանի Հանրապետության Նախագահ Սերժ Սարգսյանը:  

 

Հանդիպմանը Dasaran կրթական ծրագրի հիմնադիր նախագահը ներկայացրել է Dasaran-ի յոթնամյա գործունեության ընթացքում գրանցած հաջողությունները, ընթացիկ փուլում իրականացվող նախագծերը և առաջիկա անելիքները:

 

Անդրադարձ է եղել նաև Հայաստանի՝ Intel ISEF բնագիտական և ճարտարագիտական մրցույթի մասնակից երկրների շարքում ընդգրկվելուն ուղղված Dasaran-ի նախաձեռնությանը:

 

Հանդիպման ավարտին հայ համայնքի ներկայացուցիչները բարձր են գնահատել Dasaran-ի՝ կրթական ոլորտը բարեփոխելու առաքելությունն ու ծավալած գործունեությունը, կարևորել ծրագրի ընդլայնումը և Սփյուռքի հայկական կրթօջախները միասնական հարթակում ներառելու հեռանկարը:

 

Մեծապես գնահատվել է նաև Intel ISEF-ին հայ աշակերտների մասնակցությունը հնարավոր դարձնելուն ուղղված Dasaran-յան նախաձեռնությունը, որի իրականացումը կրթական նոր հորիզոններ կբացի հայաստանյան մտավոր ռեսուրսի համար: