«Պատանի երկրապահ» հայրենասիրական ակումբ

ՀՀ հանրակրթական ուսումնական հաստատությունների սովորողների հայրենասիրական դաստիարակչական զարգացման նպատակով մեր դպրոցում բացվեց «Պատանի երկրապահ» հայրենասիրական ակումբ: Այսօր դպրոցի 10 աշակերտներ կամավորական սկզբունքով, ծնողների դիմումների հիման վրա ընդունվեցին «Պատանի երկրապահ» հայրենասիրական ակումբ: Նրանց մասնակցությամբ տեղի ունեցավ փոքրիկ մրջոցառում, որը հագեցած էր հայրենասիրական երգերով և Անմահ Հերոսների հիշատակին նվիրված խոսքերով: Միջոցառմանը ներկա էին բազմաթիվ հյուրեր «Երկրապահ կամավորականների միություն» կազմակերպությունից, ԵԿՄ կենտրոնի տարածքային բաժանմունքի կրթության ոլորտի պատասխանատու Գ. Շահվերդյանը, ԵԿՄ միության ներկայացուցիչ, դպրոցի նախկին սան, ազատամարտիկ Գ. Հովհաննիսյանը, խաղաղապահ միության ջոկատի հրամանատարներ՝ «Սպանդարյաի» և «Ադանա» ջոկատների ազատամարտիկներ, Մահապարտների գումարտակի ազատամարտիկ Ա. Պողոսյանը, «Ապրելու բանաձև» գրքի հեղինակ, զոհված ազատամարտիկի մայր, մեր դպրոցի շրջանավարտ Գոհար Մարտիկյանը և Կենտրոն տարածքային բաժանմունքի ԵԿՄ-ի փոխնախագահ Իշխան Ահարոնյանը, ծնողներ, ուսուցիչնր, աշակերտներ: Միջոցառումը դաստիարակչական էր և ուսուցողական: 03.03.16թ.