Հետաքրքիր դասընթաց աշակերտների համար

Դասընթացի մասնակիցները հնարավորություն կունենան շաբաթական երկու անգամ մասնակցելու լրագրության տեսական և գործնական պարապմունքների, տարբեր թեմատիկ քննարկումների, ֆիլմերի դիտումների ու քարոզարշավների:

 

Խմբի անդամները ձեռք կբերեն բանավիճելու, շահերի պաշտպանության և առաջնորդության, ինչպես նաև սոցիալական մեդիայի օգտագործման հմտություններ, ինչպես նաև խոսքի ազատության և այլ իրավունքների մասին գիտելիքներ:

 

Ի դեպ, դասընթացն անվճար է, տևողությունը` 5 ամիս, սկիզբը` մարտին: Ընդ որում՝ մասնակիցներն իրենց ստացած գիտելիքները կօգտագործեն «Արևածաղիկ» մանկապատանեկան ամսաթերթի և կայքի ստեղծման համար: Դասընթացը հաջողությամբ ավարտած մասնակիցները կստանան նաև ավարտական վկայականներ:

 

Խրախուսվում է հատկապես հաշմանդամություն ունեցող երեխաների մասնակցությունը դասընթացին: Դասընթացին մասնակցելու համար անհրաժեշտ է լրացնել էլեկտրոնային հայտը մինչև փետրվարի 28-ը:

 

Մանրամասներին համար զանգահարել` (091) 079 022, Ռուբինա Դավթյան