Dasaran-ը խրախուսում է աշակերտների ստեղծարարությունը

Այցի ընթացքում աշակերտները և նրանց ծնողները ծանոթացան խաղայնացման վրա հենված այլընտրանքային կրթության մեթոդին, դրա առավելություններին, դպրոցականներին հնարավորություն տրվեց նաև գործնականում դրսևորել իրենց ստեղծարարական հմտությունները և թիմում աշխատելու կարողությունները:

 

Այսպես, աշակերտները նախ կոնստրուկտորների միջոցով փորձեցին ստանալ հանձնարարված պատկերը, այնուհետև ծանոթանալով ռոբոտաշինությանը և ռոբոտներին, փորձեցին ինքնուրույն նախագծել և կառուցել որոշակի առաջադրանքներ կատարող ռոբոտներ:

 

Դպրոցականների կառուցած յուրօրինակ և հետաքրքիր ռոբոտներն առանց գնահատանքի չմնացին: Մասնագետները նշեցին, թե որ ռոբոտն ինչ առանձնահատկություն, ինչ ուժեղ և թույլ կողմեր ունի:

 

Զարգացման կենտրոնից ծնողներն ու աշակերտները հեռացան նվերներով և վառ տպավորություններով, ինչի մասին էլ վկայում են այս նկարները: