Ամանորը տարբեր երկրներում (մաս 2)

Աննկարագրելի վառ են դիմավորում Ամանորը Հնդկաստանում: Երկրի հյուսիսային հատվածում մարդիկ զարդարվում են վարդագույն, կարմիր, սպիտակ ծաղիկներով: Կենտրոնական մասում տները զարդարում են նարնջագույն դրոշներով, իսկ հարավում տանիքները զարդարում են վառ կրակներով:

 

Իռլանդիա

 

Իռլանդիայում Ամանորից փոքր ինչ շուտ ընդունված է բացել տան դռները, որպեսզի յուրաքանչյուր ոք կարողանա ներս գալ և շնորհավորել այդ տանն ապրող ընտանիքի անդամներին:

 

Հունգարիա

 

Հունգարիայում ամանորյա գիշերը կարելի է լսել սուլոցներ յուրաքանչյուր տնից։ Հունգարացիները սուլում են մանկական խաղալիքներով։ Ըստ ավանդության՝ հենց այդ սուլոցն է տնից քշում չար ուժերին և դեպի տուն ուղեկցում հաջողությանն ու երջանկությանը։

 

Իտալիա

 

Իտալիայում կա մի ավանդույթ, որի համաձայն՝ ամանորյա գիշերն առաջինը հանդիպած մարդուց է կախված գալիք տարվա ինչպիսին լինելը, այսպես՝ հոգևորական կամ երեխա տեսնելը ցանկալի չէ, այնինչ ծեր պապիկի հանդիպելը համարվում է հաջողության նշան։

 

Մեքսիկա

 

Մեքսիկայում Ամանորը հրավառությամբ և գույզգույն կոստյումներով ուղեկցվող վառ դիմակահանդես է: Տոնին ընդունված է կավե սափորիկները լցնել կոնֆետներով, մրգերով և նույնիսկ սովորական ջրով: Հենց այս սափորիկներն էլ այնուհետև կախում են ծառերից և փորձում կոտրել փայտերով: