Հայ շախմատիստները՝ Եվրոպայի թիմային առաջնության մասնակից

Սպորտ 2015-11-12

Շախմատի Հայաստանի տղամարդկանց և կանանց հավաքականները մեկնել են Ռեյկյավիկ, որտեղ նոյեմբերի 13-ին մեկնարկելու է Եվրոպայի թիմային առաջնությունը:

Տղամարդկանց մրցաշարում Հայաստանը կներկայացնեն Լևոն Արոնյանը, Գաբրիել Սարգսյանը, Սերգեյ Մովսեսյանը, Հրանտ Մելքումյանը և Կարեն Գրիգորյանը:

Հայաստանի կանանց հավաքականը հանդես կգա այս կազմով՝ Էլինա Դանիելյան, Լիլիթ Մկրտչյան, Լիլիթ Գալոյան, Մարիա Կուրսովա, Սուսաննա Գաբոյան:

Մասնակից հավաքականները կանցկացնեն 9-ական տուր: Տղամարդկանց մրցաշարին կմասնակցեն 36, իսկ կանանց՝ 30 թիմ:

Ի դեպ, ըստ նախնական վարկանիշների՝ Հայաստանի հավաքականներն զբաղեցնում են նույն 6-րդ տեղերը:

Աղբյուրը՝ A1plus.am