Նորություններ

Աշունը Ստեփանավանի թիվ 3 դպրոցում

Կրթական 2015-10-23

ՀՀ Լոռու մարզի Ստեփանավանի թիվ 3 հիմնական դպրոցում յուրօրինակ աշնանային հանդես էր կազմակերպվել: Գունագեղ աշունն իր գույներն էր տարածել ոչ միայն դպրոցի բակում, այլև դպրոցի մեծ սրահում: Հանդեսը նախաձեռնվել էր 1-5-րդ դասարանի աշակերտների համար:
Դպրոցի մեծ սրահում կազմակերպվել էր նաև երեխաների՝ աշնան թեմայով պատկերած նկարների ցուցահանդես:
 
Միջոցառման մասնակից դասարաններից յուրաքանչյուրը ներկայացավ աշնանային խորհրդանիշներով և աշնան բարիքներով լի զամբյուղներով:
 
Երեխաները արտասանեցին, երգեցին, աշնան մասին հանելուկներ ասացին և գուշակեցին: Միջոցառումն ավարտվեց աշնանային ուրախ շուրջպարով:

Բաց մի թողեք նաև...

Տեղեկատվության ճշգրտության համար Dasaran.am կայքը պատասխանատվություն չի կրում: