Մեկնարկել է Արամ Խաչատրյանի անվան փառատոնը

Փառատոնի ընթացքում կհնչեն արևմտաեվրոպական և հայ կոմպոզիտորների ստեղծագործություններ, այդ թվում՝ Բեթհովենի և Խաչատրյանի Ջութակի կոնցերտները, Շոստակովիչի Դաշնամուրի թիվ 2 կոնցերտը, Դվորժակի Թավջութակի կոնցերտը և այլն:

 

Փառատոնի շրջանակում Հայաստանում առաջին անգամ կհնչեն Բարտոկի Դաշնամուրի թիվ 3 կոնցերտը, Սեն-Սանսի «Մուսան և պոետը» ջութակի, թավջութակի և նվագախմբի համար, Պուչչինիի սիմֆոնիկ պրելյուդը, Բարբերի Ջութակի կոնցերտը, ժամանակակից կոմպոզիտորներից` Պենդերեցկու 3-րդ սիմֆոնիայի ադաջոն:

 

Հայաստանի պետական երիտասարդական նվագախումբը Հայաստանի պետական ջազ նվագախմբի հետ համատեղ փառատոնի փակման հանդիսավոր համերգին կներկայացնի նորարարական մի ծրագիր՝ առաջին անգամ Արամ Խաչատրյանի ստեղծագործությունները կներկայացվեն ջազային մշակմամբ:

 

Աղբյուրը՝ Mincult.am