Յուրա Մովսիսյան. Ես դեռ շատ գոլեր կխփեմ

«Ամերիկյան, դանիական, ռուսական խաղաոճերն օգնել են ինձ դառնալ այն, ինչ հիմա եմ: ԱՄՆ-ում ես ստացա արագություն, Դանիայում՝ համբերություն, դժվար պայմաններում խաղալու որակներ, իսկ Ռուսաստանում կատարելագործեցի ռմբարկուական որակներս:

 

«Սպարտակի» երկրպագուները լավագույնն են Ռուսաստանում: Նրանք նաև ամենապահանջկոտն են: Մարդիկ ապրում են թիմի նվաճումներով և հոգսերով: Անցած մրցաշրջանում խաղադաշտում աշխատում էի, այս տարի վայելում եմ խաղը, մթնոլորտը:

 

Շատերը քննադատում են ինձ, ասում են, թե ավարտել եմ ֆուտբոլը, բայց ես ուշադրություն չեմ դարձնում: Ինձ չսիրողները չեն փոխվի, իսկ աջակցողները կմնան ինձ հետ: Ես խաղում եմ նրանց համար և ցանկանում եմ նրանց երջանկություն պարգևել: Ես դեռ շատ գոլեր կխփեմ»,- ասել է Մովսիսյանը:

 

Աղբյուրը՝ Sport.news.am