Արոնյանն իր հաղթանակի և Բաքու մեկնելու մասին

Իհարկե, այսքան անհաջողություններից հետո պետք է ինքս ինձ ապացուցեի, որ դեռ ի զորու եմ ինչ-որ բանի: Իմ հոգեբանն իմ ընկերուհի Արիանեն է, իսկ շախմատային հարցերում ինձ օգնում է միջազգային վարպետ Աշոտ Նադարյանը: Վերջին շրջանում մենք բավական շատ ենք աշխատել միասին: Արդյունքները միանգամից չեկան, սակայն այժմ վերջապես ինչ-որ բան սկսվեց նշմարվել:

 

Մեկ շաբաթից մեկնելու եմ Բաքու, իսկ աշխարհի գավաթի խաղարկությունից հետո կմասնակցեմ Բեռլինում կայանալիք արագ շախմատի աշխարհի առաջնությանը: Ցավոք, մեզ՝ շախմատիստներիս համար բարդ է երկրներին օգնել կոնֆլիկտը հարթելու գործում:

 

Սակայն երաժիշտներն ու այլ ստեղծագործող մարդիկ գնում են Ադրբեջան որպես խաղաղության դեսպաններ, և ես ևս կհետևեմ նրանց օրինակին: Կփորձեմ ցույց տալ, որ ես հարգում եմ հարևան երկիրը, ցուցադրել իմ լավագույն խաղը և հաճույք պարգևել երկրպագուներին»,-ասել է Արոնյանը:

 

Նկատենք, որ սեպտեմբերի 10-ին Բաքվում մեկնարկելիք շախմատի աշխարհի գավաթի խաղարկությունում Հայաստանը կներկայացնեն Լևոն Արոնյանը, Գաբրիել Սարգսյանը, Հրանտ Մելքումյանը և Սամվել Տեր-Սահակյանը: ԱՄՆ-ի ներկայացուցիչների թվում են Վարուժան Հակոբյանն ու Սամուել Սևյանը:

 

Աղբյուրը՝ Sport.news.am