Մայր բուհը դիմավորեց առաջին կուրսեցիներին

Ավանդույթի համաձայն՝ Մայր բուհ էին այցելել բարձրաստիճան պաշտոնյաներ: ԵՊՀ միջազգային հարաբերությունների ֆակուլտետի առաջին կուրսեցիների առաջին դասը վարեց ՀՀ ԱԳ նախարար Էդվարդ Նալբանդյանը:

 

ԵՊՀ պատմության ֆակուլտետի առաջին կուրսեցիներին ողջունեցին և շնորհավորեցին դեկան Էդիկ Մինասյանն ու ամբիոնի վարիչները, ապա ՀՀ վերահսկիչ պալատի ու Համահայկական խաղերի համաշխարհային կոմիտեի նախագահ Իշխան Զաքարյանը, ով նույնպես եղել է Պատմության ֆակուլտետի շրջանավարտ:

 

Սեպտեմբերմեկյան մթնոլորտ էր նաև Ժուռնալիստիկայի ֆակուլտետում: Ապագա լրագրողներին ֆակուլտետի ուսանողական խորհրդի ներկայացուցիչները դիմավորեցին մշակութային ինքնատիպ իմպրովիզներով, նախորդ ուստարվա հիշողություններով և այլն:

 

Ուսանողական տոնին տարբերվելու առիթը բաց չէր թողել նաև Սոցիոլոգիայի ֆակուլտետի ուսանողները: Վաղ առավոտից մի շարք ապագա սոցիոլոգներ հագել էին միագույն վերնաշապիկներ ու շփոթված նորեկներին ուղեկցում էին համապատասխան լսարաններ՝ մասնակից դարձնելով տոնական միջոցառումներին, որոնց հեղինակները նույնպես ֆակուլտետի ուսանողական խորհրդի ներկայացուցիչներն էին:

 

Աղբյուրը՝ Ysu.am