Հանրահայտ Յաննին ապրիլին համերգով հանդես կգա Երևանում

Ուշագրավ 2013-01-14

Ս.թ. ապրիլին Կարեն Դեմիրճյանի անվան մարզահամերգային համալիրում նախատեսվում է աշխարհահռչակ դաշնակահար Յաննիի համերգը: Նախագծի պրոդյուսեր Արման Ծատուրյանի խոսքով` համերգի օրվա և տոմսերի վաճառքի մասին հավելյալ կտեղեկացնի: Բայց, հավանաբար, Յաննի համերգի տոմսերը սկկսեն վաճառվել հունվարի վերջից: Ի դեպ, արդեն երկրորդ անգամ է, ինչ Յաննին համերգով հանդես է գալիս Երևանում, առաջին անգամ նա հայ հանդիսատեսին ներկայացել է 2011թ. սեպտեմբերի 23-ին:

Հաջորդ շաբաթ կսկսվի աշխարհահռչակ իսպանացի երգիչ Խուլիո Իգլեսիասի` մարտի 18-ին Կ. Դեմիրճյանի անվան Մարզահամերգային համալիրում կայանալիք համերգի տոմսերի վաճառքը: Տոմսերը այժմ տպարանում են, և հավանաբար հաջորդ շաբաթ կսկսվի վաճառքը: Խուլիո Իգլեսիասի երևանյան համերգի տոմսերը կարժենան 5-80 հազար դրամ, դրանք հնարավոր կլինի ձեռք բերել բոլոր տոմսարկղերից: Ի դեպ, մինչ համերգը Խուլիո Իգլեսիասը հանդես կգա մամուլի ասուլիսով:

Հայ հանդիսատեսի համար այսքանով անակնկալները չեն ավարտվի, նախատեսվում է Հայաստան հրավիրել նաև ամերիկացի դերասան, երգիչ, երգահան Մարկ Էնթոնիին և անգլիացի երաժիշտ, երգիչ Սթինգին:

Հանրահայտ Յաննին ապրիլին համերգով հանդես կգա Երևանում

Բաց մի թողեք նաև...