«Սևիլիան»` Եվրոպայի լիգայի գավաթակիր

Սպորտ 2015-05-28

Իսպանական «Սևիլիան» այս տարի ևս նվաճեց ֆուտբոլի Եվրոպայի լիգայի գավաթը: Լեհաստանի մայրաքաղաք Վարշավայում կայացած եզրափակիչում իսպանացիները 3:2 հաշվով կամային հաղթանակ տարան մրցաշարի գլխավոր սենսացիան մատուցած ուկրաինական «Դնեպրի» նկատմամբ:

Առաջին խաղակեսն անցավ չափազանց հետաքրքիր պայքարում և ավարտվեց 2:2 հաշվով: Հաշիվն սկզբնամասում բացեցին ուկրաինացիները, սակայն առաջին խաղակեսի միջնամասում «Սևիլիան» 3 րոպեում խփեց 2 գոլ:

Ընդմիջումից մեկ րոպե առաջ «Դնեպրը» հավասարեցրեց հաշիվը, իսկ երկրորդ խաղակեսում գրանցվեց դարպասի մեկ գրավում: Սևիլիացիների հաղթական գոլը 73-րդ րոպեին խփեց կոլումբացի հարձակվող Կարլոս Բական, ով դարձավ դուբլի հեղինակ:

Մրցաշարի լավագույն ռմբարկուներ ճանաչվեցին ավստրիական «Զալցբուրգի» ֆուտբոլիստ Ալանը և անգլիական «Լիվերպուլի» բելգիացի հարձակվող Ռոմելու Լուկակուն:

Կարլոս Բական ու «Նապոլիի» հարձակվող Գոնսալո Իգուաինն աչքի են ընկել 7-ական անգամ: «Սևիլիան» դարձավ առաջին թիմը, որը ռեկորդային չորրորդ անգամ հաղթեց Եվրոպայի երկրորդ ամենահեղինակավոր ակումբային մրցաշարում:

Ընդ որում՝ այս տարի Եվրոպայի լիգայի հաղթողն առաջին անգամ նվաճելու է Չեմպիոնների լիգայի խմբային փուլի ուղեգիր:

Աղբյուրը՝ Sport.news.am

«Սևիլիան»` Եվրոպայի լիգայի գավաթակիր

Բաց մի թողեք նաև...