Ալբանիայի հավաքականն իր հաղթանակի մասին

Մերգիմ Մավրայ. «Փառք Աստծո, կարողացա գոլ խփել և ուղղել սխալս: 2 թիմն էլ փորձում էին վերահսկել գնդակը: Մենք համբերատարություն դրսևորեցինք և հաղթանակ կորզեցինք: Վերջնամասում կորցնելու բան չունեինք, այդ պատճառով ռիսկի դիմեցինք»:

 

Լորիկ Ցանա. «Դեռ վաղ է խոսել Եվրո-2016-ի ուղեգրի և Ֆրանսիա մեկնելու մասին: Այսօր բարդ հանդիպում ստացվեց: Ստեղծեցինք մի շարք գոլային պահեր և տարանք արժանի հաղթանակ: Տղաներին շնորհավորում եմ 3 միավորի և մեծ ջանքեր գործադրելու համար: Հաղթանակի համար արեցինք հնարավոր ամեն բան: Մեր խմբում դեռ ամեն բան բարդ է»:

 

Տաուլյանտ Ջակա. «Այսօր հաջողությունը մեր կողմը չէր, սակայն մենք հասանք արժանի հաղթանակի, քանի որ ունեցանք մի շարք գոլային պահեր: Հուսով եմ՝ Աստված մեզ կօգնի ուղևորվել Ֆրանսիա»: Հիշեցնենք, որ Ալբանիայի Էլբասան քաղաքում կայացած խաղի մինչև 77-րդ րոպեն Հայաստանի հավաքականն առջևում էր հաշվի մեջ, սակայն պարտվեց 1:2 հաշվով:

 

Մակեդոնական «Վարդարի» պաշտպան Հովհաննես Համբարձումյանի հեռացման պատճառով Հայաստանի հավաքականը 70-րդ րոպեից խաղում էր 10 ֆուտբոլիստներով:

 

Աղբյուրը՝ sport.news.am