Հայ բռնցքամարտիկը կորակազրկվի

2015 թվականի փետրվարի 23-ից մարտի 1-ը Սոֆիայում կայացած միջազգային մրցաշարում Սամվել Բարսեղյանը նվաճել էր արծաթե մեդալ, սակայն որպես բողոքի նշան անարդար մրցավարության դեմ մեդալն ստանալուն պես գցել էր այն:

 

Հայաստանի բռնցքամարտի ֆեդերացիան նամակ է ստացել բռնցքամարտի միջազգային ֆեդերացիայից՝ ԱԻԲԱ-ից, որտեղ զգուշացվում է, որ հայ բռնցքամարտիկին որակազրկելու են մինչև Ռիո-2016 Օլիմպիական խաղերը Բուլղարիայում արծաթե մեդալը նետելու, բռնցքամարտի նկատմամբ անհարգալի վերաբերմունք ցուցաբերելու պատճառով:

 

Մրցաշարից հետո Հայաստանի հավաքականի գլխավոր մարզիչ Դավիթ Թորոսյանը նշել էր, որ Սամվել Բարսեղյանի մասնակցությամբ եզրափակիչ մենամարտում եղել էր խայտառակ մրցավարություն, որի արդյունքում ոսկե մեդալը նվիրել են մրցակցին:

 

Աղբյուրը՝ sport.news.am