Գրքերի անեզերք աշխարհում

Դպրոցի շնորհաշատ գրադարանավարուհի Ն.Պողոսյանն աշակերտների մեջ ընթերցանության նկատմամբ սեր և հետաքրքրություն է առաջացնում բազմաբնույթ, բազմաբովանդակ միջոցառումներ կազմակերպելու, նշանավոր տարելիցներ նշելու, գրքերի  քննարկումներ և քաղաքային գրադարան այցելություններ կազմակերպելու միջոցով:

 

Դպրոցի բոլոր դասարանների աշակերտները ոգևորությամբ էին պատրաստվել Գիրք նվիրելու օրվան: Նրանք միմյանց ողջունեցին մեծ բանաստեղծ Հ.Թումանյանի ստեղծագործություններով: Ն.Պողոսյանի և գրադարանի ակտիվի շնորհիվ կազմակերպված միջոցառումը ծառայեց իր նպատակին, հաճելի պահեր պարգևեց հյուրերին և աշակերտներին: