«Բարսելոնա» - ՊՍԺ՝ 1:1

Խաղի հենց մեկնարկում թիմերը մեկական վտանգավոր պահերով փոխանակվեցին: Առաջին խաղակեսում ՊՍԺ-ն ոչնչով չէր զիջում դաշտի տերերին և մի քանի իրական գոլային պահեր բաց թողեց: Կորուստներով հանդես եկող «Բարսելոնան» շատ անհաջող էր գործում պաշտպանությունում, իսկ հարձակողական գործողություններում խիստ նկատվում էր փոխարինողների թվում գտնվող Լիոնել Մեսիի բացակայությունը:

Առաջին խաղակեսում դարպասի գրավումներ չարձանագրվեցին, իսկ ընդմիջումից հետո ՊՍԺ-ն բացեց հաշիվը: 50-րդ րոպեին արգենտինացի հարձակվող Խավիեր Պաստորեն Զլատան Իբահիմովիչի կատարած փոխանցումից հետո մեն-մենակ դուրս եկավ Վիկտոր Վալդեսի դեմ եւ առաջ մղեց ֆրանսիական ակումբին: Բաց թողած գոլից հետո էլ կատալոնացիները չէին կարողանում վերգտնել իրենց խաղը, իսկ 62-րդ րոպեին փախարինման դուրս եկավ Լիոնել Մեսին, ով թարմություն հաղորդեց «Բարսելոնայի» գրոհներին: ՊՍԺ-ն ընդհանրապես չէր մտածում պաշտպանությունում փակվելու մասին եւ շարունակում էր գրոհել, սակայն 71-րդ րոպեին «Բարսելոնան» հավասարեցրեց հաշիվը: Մեսիի սկսած գրոհն ավարտին հասցրեց Պեդրո Ռոդրիգեսը: 1:1 հաշիվը ձեռնտու էր Տիտո Վիլանովայի թիմին: Խաղի վերջնամասն անցավ լարված պայքարում, եւ կատալոնացիները կարողացան հանդիպումն ավարտվել ցանկալի արդյունքով՝ 1:1:

Դիմակայությունում գրանցվեց 3:3 ընդհանուր հաշիվը, բայց «Բարսելոնան» պայքարը շարունակելու հնարավորություն ստացավ մրցակցի խաղադաշտում խփած 2 գոլերի շնորհիվ:

Ավելի վաղ կիսաեզրափակիչի ուղեգիր էին նվաճել Մադրիդի «Ռեալն» ու Դորտմունդի «Բորուսիան»:

Աղբյուր՝ www.news.am