«Ռեալը» դուրս եկավ կիսաեզրափակիչ

Մադրիդի «Ռեալը» դուրս եկավ ֆուտբոլի Չեմպիոնների լիգայի կիսաեզրափակիչ՝ հաղթահարելով թուրքական «Գալաթասարայի» արգելքը:

Խաղի հենց մեկնարկից Ժոզե Մոուրինյոյի թիմն ապացուցեց իր բարձր կարգը և 8-րդ րոպեին բացեց հաշիվը: «Ռեալին» առաջ մղեց ընթացիկ մրցաշարի լավագույն ռմբարկու Կրիշտիանու Ռոնալդուն, ով իր գոլերի քանակը հասցրեց 10-ի: Առաջին խաղակեսում հյուրերը կարող էին կրկնապատկել առավելությունը, սակայն «Գալաթասարայի» դարպասապահ Ֆերնանդո Մուսլերան աչքի էր ընկնում վստահ խաղով, և թիմերն ընդմիջման գնացին 0:1 հաշվի ժամանակ:

Երկրորդ խաղակեսի սկզբնամասում Ռոնալդուն մոտ էր մադրիդցիների երկրորդ գնդակը խփելուն, սակայն պորտուգալացին չկարողացավ մի քանի մետրից գրավել դարպասը: Րոպեներ անց գործեց ֆուտբոլի չգրված օրենքը եւ կոտդիվուարցի պաշտպան Էմանուել Էբուեն անկրկնելի հարվածով հավասարեցրեց հաշիվը՝ ոչ մի շանս չտալով «Ռեալի» դարպասապահ Դիեգո Լոպեսին: Թուքերը կարող էին շատ արագ առաջ անցնել հաշվի մեջ, բայց Հոլանդիայի հավաքականի կիսապաշտպան Ուեսլի Սնեյդերը չկարողացավ օգտվել «Ռեալի» պաշտպանների սխալից՝ վրիպելով հարմար դիրքից: Այնուամենայնիվ, 71-րդ րոպեին Սնեյդերն ուղղեց իր սխալը եւ, ճեղքելով «Ռեալի» պաշտպանությունը, առաջ մղելով «Գալաթասարային»: Քիչա անց Դիդյե Դրոգբան գեղեցիկ հարվածով խփեց «Գալաթասարայի» երրորդ գնդակը՝ հույս պարգևելով թուրք երկրպագուներին: Դաշտի տերերը բարձր տեմպով անցկացրին խաղի վերջնամասը, բայց Ժոզե Մոուրինյոյի թիմն այլևս չսխալվեց, իսկ ավելացված ժամանակում Ռոնալդուն նաև դարձավ դուբլի հեղինակ՝ վերջակետ դնելով խաղին:

Աղբյուր՝ www.news.am