Բորուսիան պարտություն է կրել

50-րդ րոպեին հյուրերի գրոհի ժամանակ արգենտինացի Ռաուլ Բոբադիլան դուրս մնաց «Բորուսիայի» պաշտպանների վերահսկողությունից և բացեց խաղի հաշիվը: 64-րդ րոպեին Օբամեյանգը մեծ արագությամբ միայնակ դուրս եկավ դարպասապահի դեմ, սակայն նրա հետ պայքարում կանոնները խախտեց գերմանացի պաշտպան Կրիստոֆ Յանկերը և հեռացվեց խաղադաշտից:

 

«Բորուսիան» չօգտվեց թվային առավելությունից. գոլային պահերը հյուրերի դարպասի մոտ քիչ էին: «Աուգսբուրգը» վաստակեց 33 միավոր և հավասարվեց երրորդ տեղում գտնվող Մյոնխենգլադբախի «Բորուսիային»:

 

Յուրգեն Կլոպի թիմը 16 միավորով վերջին տեղում է: Հայաստանի հավաքականի կիսապաշտպան Հենրիխ Մխիթարյանը «Բորուսիայի» կազմում փոխարինման դուրս եկավ 72-րդ րոպեին:

 

Գերմանիայի առաջնություն, 19-րդ տուր

 

«Բորուսիա» - «Աուգսբուրգ»՝ 0:1

Ռաուլ Բոբադիլա, 50

Հեռացում. Կրիստոֆ Յանկեր, 64 («Աուգսբուրգ»)

«Քյոլն» - «Շտուտգարտ»` 0:0

«Հերտա» - «Բայեր»՝ 0:1

Շտեֆան Կիսլինգ, 49:

 

Աղբյուրը՝ sport.news.am