Ինչպես կառավարել զայրույթը

1. Ճանաչեք զայրույթը

 

Զայրույթը մեղմելու առաջին քայլն այն ճանաչելն է:  Հոգեբույժ Շրանդի խոսքով «ճանաչումը մտածելու գործողություն է, մինչդեռ զայրույթը՝ լոկ զգացմունք: Հենց սկսում եք ընդունել զայրույթը, Դուք արդեն վերահսկում եք այն, իսկ երբ արդեն ճանաչում եք, գիտակցում եք, որ այլ բան կցանկանայիք տեսնել»:

 

2. Որոշեք, թե ինչու եք զայրացած

 

Ձեր զայրույթի պատճառը հասկանալը ևս կօգնի մեղմել այն: Բժշկի խոսքով, երբ մենք նախանձում ենք որևէ մեկին, մտածում ենք, որ վերջինս մեզնից շատ բան ունի: Մենք կասկածում ենք՝ մտածելով, որ ինչ-որ մեկը մեզնից բան է ուզում տանել:

 

3. Զայրույթը դիտարկեք որպես վտանգի արդյունք

 

Սա իմանալը կարող է օգնել Ձեզ չեզոքացնել զայրույթը, քանի որ Դուք հասկանում եք դրա առաջացման սկզբնաղբյուրը:

 

4. Հանգստություն պահպանեք

 

Հանգստություն պահպանեք, երբ տեսնում եք, որ զայրույթը գլուխ է բարձրացնում, և թույլ մի տվեք ինքներդ Ձեզ վիճաբանությունների կամ աղմկոտ խաղերի մեջ ներքաշվել:

 

5. Կարեկցանք ցուցաբերեք

 

Եթե ուրիշի խոսքերը կամ գործողությունները զայրացրել են, փորձեք հասկանալ այդ մարդու տեսակետը, որքան էլ չհամաձայնեք նրա հետ:  Մասնագետի խոսքով մարդկային արարածները ցանկանում են արժևորված լինել, իսկ կարեկցանքը «Ես հետաքրքրված եմ քեզնով» հաղորդագրությունն է նշանակում:

 

6. Ընդունեք տարբերությունները

 

Մարդկային տեսակետների տարբերության ընդունումը ևս մեկ քայլ է տարաձայնությունների դեպքում զայրույթը ղեկավարելու համար: Նաև ցույց տվեք, որ հասկանում եք դիմացինի զայրույթը:

 

7. Շնորհակալություններով փոխանակվեք

 

Պատկերացրեք՝ ինչ կլիներ, եթե հաճախ լսեինք «շնորհակալություն», «խնդրեմ» և նման բառեր: Սա պարզապես կնշանակի, որ Դուք դիմացինից վտանգ չեք ակնկալում, նախանձ չեք, կասկածամիտ չեք:  Եթե փոխանակվում եք երախտագիտության խոսքերով, նաև կարեկցում եք, հաղորդակցվում եք, հանգստանում եք:

 

Աղբյուրը՝ med.news.am