Արքայական ակումբը պարտվել է

Սպորտ 2015-01-05

Տարեսկիզբն այնքան էլ հաջող չի մեկնարկել Մադրիդի «Ռեալ»-ի համար: Իսպանիայի առաջնության 17-րդ տուրում «Վալենսիան» 2:1 հաշվով կամային հաղթանակ է տարել Արքայական ակումբի նկատմամբ: Բոլոր մրցաշարերում «Ռեալի» ռեկորդային հաղթական շարքը չշարունակվեց 23-րդ խաղում:

Մադրիդցիները նախորդ անգամ պարտվել էին 2014-ի սեպտեմբերին: Վալենսիայում կայացած խաղի հաշիվը 14-րդ րոպեին բացեց «Ռեալի» առաջատար Կրիշտիանու Ռոնալդուն, ով 11 մետրանոց հարվածով խփեց առաջին խաղակեսի միակ գոլը:

Ընդմիջումից հետո վալենսիացիները կերպարանափոխվեցին և ոչ միայն խփեցին պատասխան գոլը, այլև առաջ անցան հաշվի մեջ:

53-րդ րոպեին իսպանացի կիսապաշտպան Անտոնիո Բարագանը հավասարեցրեց հաշիվը, իսկ քիչ անց Արգենտինայի հավաքականի պաշտպան Նիկոլաս Օտամենդին առաջ մղեց «Վալենսիային»:

Խաղի վերջնամասում 2 թիմերն էլ ունեցան իրական գոլային պահեր, սակայն դարպասի նոր գրավումներ չարձանագրվեցին:

Կարլո Անչելոտիի թիմը 39 միավորով առաջատարն է և մեկական միավոր գերազանցում է 2-3-րդ տեղերը բաժանող «Բարսելոնային» և Մադրիդի «Աթլետիկոյին»:

Կատալոնացիները հունվարի 4-ին հյուրընկալվելու են «Ռեալ Սոսյեդադին»:

Իսպանիայի առաջնություն, 17-րդ տուր

«Վալենսիա» - «Ռեալ»՝ 2:1

Անտոնիո Բարագան, 53, Նիկոլաս Օտամենդի, 65 – Կրիշտիանու Ռոնալդու, 14 (11մ.)

«Խետաֆե» - «Ռայո Վալեկանո»՝ 1:2

Ալվարո Վասկես, 3 – Ժոզեբեդ, 39, Ռաուլ Բուենա, 64

Աղբյուրը՝ sport.news.am

Արքայական ակումբը պարտվել է

Բաց մի թողեք նաև...