Ծերացումը դանդաղեցնող մթերքները

Այնուհետեւ հաջորդում է սաղմոնը։ Այս ձկնատեսակը սրտի և նյարդային համակարգի համար օգտակար սպիտակուցների և օմեգա-3 ճարպաթթուների արժեքավոր աղբյուր է։ Դրանք նաև նպաստում են մաշկի և մազերի առողջությանը։ Նույն օգտակար նյութերով են հարուստ նաև սարդինաները, միդիան, ծովատառեխը, իշխանը կամ վահանաձուկը։ Նորման՝ նվազագույնը 2 չափաբաժին շաբաթական:

 

Երրորդ տեղը նվաճել է նույնպես սպիտակուցներով հարուստ նուշը, որի մեջ կարելի է գտնել օգտակար ճարպեր, մագնեզիում, ցինկ։ Նուշը հեշտ է փոխարինել պիստակով և հունական ընկույզով (օրը մեկ ունցիա)։ Յոգուրտը և կինոան իսկական սուպեր մթերքներ են։ Առաջինը հագեցած է կալցիումով, սպիտակուցներով, վիտամին D-ով, պրոբիոտիկ մանրէներով, որոնք օգտակար են ոսկորների, մկանների և մարսողության համար (օրը 1-2 չափաբաժին):

 

Կինոան իր հերթին տրամադրում է բջջանյութի, կալցիումի, երկաթի օրական նորման, իսկ օրը պետք է ուտել կես բաժակ։ Կանաչ թեյը վաղուց է հայտնի իր եզակի հատկություններով։ Այն հզոր հակաօքսիդանտ է և փրկություն սրտանոթային համակարգի համար։ 

 

Ինչպես ցույց է տալիս հետազոտությունը, օրական 5 բաժակ կանաչ թեյ խմելն իսկապես ամրապնդում է առողջությունը։ Թեյի հետ կարող է համեմատվել միայն հապալասը։ Բնորոշ գույնը հատապտղին անտոցիան հակաօքսիդանտն է տալիս։ Ուստի բոլոր վառ գույնի հատապտուղներն էլ օգտակար են:

 

Աղբյուրը՝ med.news.am