Կմեկնարկի մանկապատանեկան ֆիլմերի 10-րդ միջազգային փառատոնը

Փառատոնն այսուհետ կկրի «Ռոլան» մանկապատանեկան ֆիլմերի միջազգային փառատոն անվանումը: Փառատոնի երևանյան փուլը կտևի 5 օր, արդյունքները կամփոփվեն նոյեմբերի 12-ին՝ փակման արարողության ընթացքում:

 

Մարզային փուլը կշարունակվի մինչև 2014թ. դեկտեմբերի 20-ը Վանաձորում, Դիլիջանում, Արարատում և Եղեգնաձորում: Մարզաբնակ երեխաների և երիտասարդների համար կցուցադրվեն փառատոնային լավագույն ֆիլմերը և մուլտֆիլմերը:

 

«Ռոլան» մանկապատանեկան ֆիլմերի 10-րդ միջազգային փառատոնի ծրագրում ընդգրկվել է 145 ֆիլմ 38 երկրից: Փառատոնը կշարունակի համագործակցությունը ՀՀ պաշտպանության նախարարության հետ, ինչի շնորհիվ 9-րդ փառատոնի շրջանակներում ստեղծված «Պատիվ ունեմ» ռազմահայրենասիրական ֆիլմերի անվանակարգը համալրել է փառատոնի ավանդական մրցութային անվանակարգերի շարքը:

 

«Ռոլան» մանկապատանեկան ֆիլմերի 10-րդ միջազգային փառատոնի շրջանակներում նախատեսվում են փառատոնի բացման և փակման արարողություններ, կինոդիտումներ, պրեմիերաներ, հանդիպումներ բուհերում, հանրակրթական ու արվեստի դպրոցներում:

 

Աղբյուրը՝ mincult.am