«Հայ Ֆեստ». արդյունքներն ամփոփված են

«Հայ Ֆեստին» այս տարի հյուրընկալվել էին 18 երկրի 200 մասնակից` հյուրեր, արվեստագետներ, արտմենեջերներ, միջազգային փառատոնի նախագահներ, թատերագետներ և այլք:

 

Փառատոնի բացումը կայացել է Կ. Ստանիսլավսկու անվան ռուսական դրամատիկական թատրոնում հունգարական «Լիվինգ փիքչըրս» թատրոնի «Կենդանի մակերես» մուլտիմեդիա ներկայացումով:

 

Այնուհետև երևանյան 10 բեմահարթակներում ցուցադրվել են դրամատիկական, երաժշտական, պարային, տիկնիկային ավելի քան 50 ներկայացում: «Հայ Ֆեստի» հիմնական ծրագրում երևանյան թատրոններից մասնակցել են Հովհ. Թումանյանի անվան պետական տիկնիկային, «Համազգային», «Փոքր» և «Միհր» թատրոնները: 

 

Փառատոնի շրջանակներում մասնակիցներն անցկացրել են վարպետության դասընթացներ: «Հայ Ֆեստը» նաև ուսանողներին է հնարավորություն ընձեռել ներկայացնել իրենց աշխատանքները «Արմս Ֆեստ» ուսանողական ծրագրում:

 

Փառատոնի փակման արարողությանը բոլոր մասնակիցներին հանձնվել են հավաստագրեր: «Հայ Ֆեստ» միջազգային թատերական փառատոնն անցկացվում է 2003թ.-ից, փառատոնի նախագահն է Արթուր Ղուկասյանը:

 

Աղբյուրը` mincult.am