Կմեկնարկի «Երաժշտական երկխոսություն Մետաքսի մեծ ճանապարհին» փառատոնը

Ուշագրավ 2014-10-08

Ս. թ. հոկտեմբերի 8-ին Հակոբ Պարոնյանի անվան երաժշտական կոմեդիայի պետական թատրոնում կանցկացվի «Երաժշտական երկխոսություն Մետաքսի մեծ ճանապարհին» փառատոնը: Հայաստանում առաջին անգամ իրականացվող փառատոնին կմասնակցեն երաժիշտներ Մետաքսի մեծ ճանապարհի շուրջ 12 երկրներից՝ Հնդկաստան, Չինաստան, Հայաստան, Ղազախստան, Իրան, Հորդանան, Իսպանիա և այլն:

Յուրաքանչյուր երկրի ներկայացուցիչ կներկայացնի իր ազգային տարազը, ժողովրդական նվագարանն ու ազգային երաժշտությունը, իսկ վերջում բոլոր երկրների ներկայացուցիչները միասին կկատարեն հայկական ժողովրդական ստեղծագործություններ:

Մետաքսի մեծ ճանապարհը կարևոր դերակատարում է ունեցել Փոքր Ասիայի, Կովկասի, Միջին Ասիայի և Չինաստանի ժողովուրդների տնտեսական և մշակույթային կապերի զարգացման գործում:

«Երաժշտական երկխոսություն Մետաքսի մեծ ճանապարհին» փառատոնի նպատակն է մասնակիցներին ծանոթացնել Հայաստանի մշակույթին, ավանդույթներին ու կենցաղին` այդ կերպ միջմշակութային սերտ կապեր հաստատելով պատմական այս ուղու վրա գտնվող պետությունների հետ:

Աղբյուրը՝ mincult.am

Կմեկնարկի «Երաժշտական երկխոսություն Մետաքսի մեծ ճանապարհին» փառատոնը

Բաց մի թողեք նաև...