Կտրվի «Ես եմ» միջազգային կինոփառատոնի մեկնարկը

«Ես եմ» միջազգային երիտասարդական կինոփառատոնը սկզբնավորվել է 2004 թվականից, իսկ 2007 թվականից այն անցկացվում է ՀՀ մշակույթի նախարարության աջակցությամբ:

 

Փառատոնի նպատակն է օժանդակել երիտասարդ ստեղծագործողներին՝ գտնելու իրենց տեղը և դեմքը ժամանակակից կինոարվեստում, ինչպես նաև նպաստել նոր կինոսերնդի ձևավորմանը:

 

Իր գործունեության ընթացքում «Ես եմ» միջազգային երիտասարդական կինոփառատոնը ձեռք է բերել լայն ճանաչում ու հեղինակություն: Կինոփառատոնի մրցութային ծրագրերին մշտապես մասնակցում են երիտասարդ կինեմատոգրաֆիստներ տարբեր երկրներից, այդ թվում՝ ԱՄՆ-ից, Լիտվայից, Ռուսաստանի Դաշնությունից, Գերմանիայից, Ղազախստանից, Ուկրաինայից, Բելառուսից, Վրաստանից և այլն:

 

«Ես եմ» 8-րդ միջազգային երիտասարդական կինոփառատոնին ներկայացված 118 ֆիլմերից ընտրվել և մրցութային ծրագրերում կցուցադրվեն շուրջ 60 ֆիլմ: Կինոփառատոնի շրջանակում հնարավորություն կընձեռվի երիտասարդ կինոգործիչներին մասնակցելու ժամանակակից կինոարտադրության թեմայով քննարկումների:

 

Փառատոնի օրերին լույս կտեսնի «+Կինո» ամսագրի հատուկ համարը: 

«Ես Եմ» 8-րդ միջազգային երիտասարդական կինոփառատոնի փակումը և մրցանակաբաշխության արարողությունը տեղի կունենա հոկտեմբերի 5-ին:

 

Աղբյուրը` mincult.am