«Մենք ենք, մեր մարզը» մշակութային օրեր

Նախաձեռնությանը կմասնակցեն ՀՀ Շիրակի մարզի 30 շնորհալի երեխաներ և պատանիներ: 

 

«Մենք ենք, մեր մարզը» խորագրով մանկապատանեկան մարզային մշակույթի օրերի շրջանակում կբացվի Գեղագիտության ազգային կենտրոնի՝ Գյումրիի մասնաճյուղի սաների լավագույն նկարչական և դեկորատիվ կիրառական աշխատանքների ցուցահանդեսը: 

 

Ցուցադրությանը կհաջորդի համերգ, որին կմասնակցեն ՀՀ Շիրակի մարզի շնորհալի երաժիշտ-կատարողները և պարային համույթը: Մարզից ժամանած երեխաների համար կկազմակերպվեն ուղևորություններ և այցելություններ ՀՀ Սյունիքի մարզի մշակութային օջախներ:

 

«Մենք ենք, մեր մարզը» խորագրով ծրագիրը մեկնարկել է 2008 թվականից, որը միտված է ՀՀ մշակույթի նախարարության կողմից ՀՀ մարզերում նպատակային մշակութային քաղաքականության իրականացմանը, հաշվետու ստուգատեսերի միջոցով հանրապետության քաղաքներում մշակութային կյանքի աշխուժացմանն ու զարգացմանը:

 

Աղբյուրը` mincult.am